#
唔知有幾多人唔係因為帶住小朋友而入場睇Dumbo呢？
我睇完真係覺得好睇同好感動。其中有一part，我印象好深刻，就係2個小朋友發現左Dumbo識飛，諗緊同唔同爸爸講，家姐講左句（差不多意思）：「唔好，佢唔會信，佢會叫我地踏實啲。」
有時候只要諗返，小朋友世界真係好簡單，係佢地既世界咩都有可能，佢地好多野都會相信，覺得呢個世界係無限既可能。
但往往就係大人既一句，「假架、唔好發夢啦、現實啲啦，你都係放棄啦。」，而逼到一啲小朋友走向現實社會。
只要你靜靜諗下，有幾多人叫過你放棄同唔好發夢，但我想講既係，人地角度佢地做唔到既事，唔等於你做唔到，所以Just do it 同相信自己。
其實所有未發生既事、未發明到既野之前，好多人都會唔相信你，會睇死你，但千奇唔好因爲呢啲人而放棄。
相信我，所謂既天才，所有既成功人士，未成功之前佢地都係平常人，佢地背後做既，諗既同跌到過幾多次，你永遠都唔會知，但你只會見到佢成功左。
人係好奇怪既生物，永遠都要自己親眼見到，先肯相信。但明明好多事，都係要你先相信，佢先會實現。
所以我一直認為社會上需要既係更加多既鼓勵同支持，因為你相信一個人，一定會比到好多力量佢，批評唔係唔好，但係如果你唔係為左令對方進步，純粹偏見而批評，而你既一句，可能就會將一個人推向谷底，可唔可以比多少少欣賞同鼓勵既眼光睇事物？
就算我幾多歲都好，我會一直堅持做一個有童真既大人，同小朋友一齊睇卡通片，一齊相信呢個世界所有既不可能。
只有瘋子才會看到正常人看不到的世界。
我不正常，我不完美，但我是我，我看到我想看到的世界。
#ThisisR
#Dumbo
#MoviewithR
#我知你又想講好長
#我就係咁長氣
#愛我請愛埋我打既野
Search